Nakakita na sang solusyon sa problema sa basura ang ciudad sang Iloilo.
Ini paagi sa pagsulod sa isa ka kasugtanan sa Villar Foundation agud mahimo nga pulungkuan ang mga basura nga plastic.
Suno kay Iloilo City General Services Office head Joren Sartorio, may grupo nga ginasuportahan sang Villar Foundation sa banwa sang San Miguel, Iloilo nga nagahimo sang mga plastic chairs gikan sa basura nga plastic.
Makahuman sila sang isa ka pulungkuan gikan sa 40 ka kilo sang plastic.
Magapati si sartorio nga paagi sini mas maganyat pa ang mga ilonggo nga magsegregate sang ila basura.
Nahibaluan may halos 300 tons sang basura ang Iloilo City sa tagsa ka adlaw.
Facebook Comments
