Iloilo ‘OK’ na kay Duterte

ILOILO CITY – Okay na ang Iloilo sa panan-awan ni Pres Rodirgo Duterte.

Ini ang pagpati ni Mayor Jose Espinosa III matapos maayo ang pagbaton sa ila sa Malacanang.

Kasunod ini sang meeting ni Espinosa sa presidente sadtong Nobyembre 23 upod kay Sen. Cynthia Villar kag Congressman Ferj Biron.


Matandaan nga makapila nga gintag ni Duterte si anay Mayor Jed Patrick Mabilog nga protector sang illegal nga droga nga ginpanginwala naman sang naulihi.

Makapila man nga gintawag nga ‘most shabulized city’ kag ‘bedrock of illegal drugs’ ang syudad sang Iloilo.

Bangud sang maayo na nga panan-awan sang president sa Iloilo ginapabot nga mangin madali naman ang pagpalapit sang syudad sa mga cabinet secretaries para sa mga proyekto diri.

Facebook Comments