Ilongga, ginpautang sang $25K sang iya ahente,nangayo bulig sa POLO, tag iya sang agency ginsettle ang utang agud lisensiya indi masuspende

Report ni: Tita Jen Palomo Debaja

Matam is na ang yuhom sang isa ka Ilongga nga OFW sa HK matapos nakalampuwas sa problema nga gin dulot sang pagbulig sini nga pag utang sa lendingan para sa iya ahente.

Ang 36 anyos nga si Emelyn Coronado sang Iloilo City kg isa ka single mother ,una nga nagpalapit sa grupo sang OFWs in Hong Kong agud ipalab ut ang iya reklamo angut sa ahente sang LuckyFlex International Ltd nga si Nema Tolones isa man ka Ilongga nga taga Barotac Viejo.


Sa pahayag ni Emelyn nangayu sang bulig si Tolones nga utangan ini sa Public Finance kay kinahanglan gd niya ang kwarta .Tungod nagsalig man nga tumanon ni Tolones nga bayaran kadabulan sa lendingan ang iya paga utangon ginbuligan sya ni Emelyn.

Nakibot nalang si Emelyn nga umpisa Setyembre subong nga tuig nag tinawag na sa landline sang amo ang collector sang lendingan kg nag lab ut na gali sa $31,600 ang outstanding sini nga balayran sa Public Finance.

Gin palab ut ni Emelyn kay Tolones nga may demand letter halin sa financing apang imbis nga mag obligar sang balayran gin pahog pa ni Tolones si Emelyn nga ipa terminate sa iya employer. Dugang pa nga nag intra ang nobyo ni Tolones kag masaku ang tawag kg puro mulay kag pamahog ang mga text sini kay Emelyn ilabi na sang nahibaluan nila nga nangayu na ini sang bulig sa POLO Office (Philippine Overseas Labor Office).

Sa bulig ni Ms. Regina Andres sang OFWs in Hong Kong gin aksyunan ni Labor Attache Jalilo Dela Torre ang reklamu ni Emelyn paagi sa pag suspende sa lisensya sang agency kabaylu sa pag settle sang agency sa gin pa utang ni Tolones kay Emelyn.

Sa pahayag ni Emelyn masubra 2 ka bulan nga wala siya sang tinulugan kg pati pagkaon napabay an niya bangud sa utang nga wala ginbayran ni Tolones .

Gin pa pirma ni Labatt dela Torre sang agreement si Emelyn kg Ms.Ng sang Nobyembre 13 nga esettle ni Ms.Ng ang balanse sa Public Finance agud matapos na ang issue. Tungod sa mahatag nga huol sa iya agency sa suspension sang Konsulado gin paka maayu ni Ms. Ng , tag iya sang Luckyflex International nga bayran nalang ang balanse sa Public Finance nga naglab ut sa $30,000 dolyares.

Pagkatapos sang settlement ,amupalang kag gin bawi ni Labatt dela Torre ang suspension sa lisensya sang agency.

Samtang gina sulat ini nga balita , nakapauli naman si Emelyn sa Iloilo kag maga pahuway upod ang pamilya agud malipatan ang iya nadangatan diri sa HK.

Ginapanawagan sa mga gusto magreklamu angut sa modus ni Nema Tolones kg sang live in partner sini nga pag pautang sang iya mga aplikante sa lendingan pag abot sa HK makig angut lang kay Alexise Tiu o sa atun Konsulado.

Facebook Comments