BAGO CITY- Sunog sa lawas ang naagom sang 59 anyos nga iloy matapos maigo sang kilat sa sulod sang balay sa Barangay Busay syudad sang Bago.
Natabo ang insedinte sang nagligad nga Abril 11 samtang nagapanyapon ang biktima upod sa iya sini nga pamilya sang hinali nga nagpangilat sang mabaskog kag naigo ang ila balay nga human sa kawayan.
Nag-angkon sang mga paso kag sunog sa lawas ang biktima nga ginkilala kay Isabelita Patiño samtang luwas kag wala naman madalahig ang iya mga kaupdanan sa sulod sang puloy-an.
Sa karon nagapaayo-ayo ang biktima sa Regional Hospital matapos ginsaylo halin sa Bago City Hospital.
Facebook Comments
