Ginpakita na sa publiko ang rebulto sang Russian designer sang AK-47 assault rifle.
Makit-an ang monumento ni Mikhail Kalashnikov sa Garden Ring sa Moscow.
Nagasul-ob ini sang bomber jacket nga may ginabitbit nga AK-47.
Suno kay Salavat Shcherbakov, ang scupltor nga naghimo sang rebolt, ginakilala nila bilang nagapanguna nga depensa sang Russia si Kalashnikov kag bilang simbolo naman ini sang ila pungsod.
Si Kalashnikov ang nagtaliwan sadtong 2013 sa edad nga 94 kun sa diin gakasakitan ini sa tion nga makit-an niya nga ginagamit ang iya imbensyon sang mga kriminal kag mga kabataan.
(AP Photo/Pavel Golovkin)
—————
Like our official Facebook page: www.facebook.com/ifmbacolod943
Facebook Comments
