*General Santos City—*Gipalawman pa karon sa imbestigador sa traffic management unit pinaagi po2 Lemuel Avis ang natigayong aksidente sa dalan nga gikamataysa usa ka Ralf Barcelona, 40 anyos, lumolopyo sa may Caserez Subdivision, 2nd Bo.barangay, Barangay San Isidro nga gikaangol sa backride niini nga naila sa pangalang Ervie Garcia, hingkod ang panuigon, residente sa may Sta Teresita, sa susamang barangay.
Nasayran nga bandang alas 3:15 sa kadlawon una nang sakay sa ilang single nga motorsiklo ang duha apan paghidangat sa Yumang Street kanto Leon Llido aksidente matud pang nakasugat niini ang laing motoristang naila sa pangalang Rogelio Paglinawan, 24 anyos, lumolopyo sa may Purok Balakayo barangay Olympog kauban ang backride niini nga naila sa pangalang Jay Palma hinungdan nagsungag ang duha ka mga sakyanan nga merisulta sa pagka fractured sa ulo ni Barcelona hinungdan patay kini pipila ka mgao ras sa Dr. George Royeca hospital.
Sa kasamtangan si Paglinawan ang padayon pang giatiman sa mga mananambal sulod sa Mindanao Medical center human balin usab ang tiil nga bahin sa nahisgutan, samtang ang back rider nga si Palma ang anaa na usab sa luwas nga kahimtang . ( *Ray Flores Sabillo* )
