Imbestigasyon sa brutal pagpatay sa laborer gipalawman

GENERAL SANTOS CITY – Gipalawman karon sa San Isidro Police Station ang pagpahigayon sa ilang imbestigasyon kabahin sa brutal nga pagpatay sa usa ka laborer nga nakaplagan daplin sa dalan sa Purok 2 Naval Conel Road Barangay San Isidro.

Nasayran nga ang biktima gidala sa lokal nga punerarya sa may National Highway Barangay Labangal nailhan sa pangalang Sunny Boy Dawa 20 anyos nagpuyo sa Daricom Highway Purok 23 Lagao.

Dunay samad sa iyang liog ang biktima nga gilaslas sa usa sa upat ka mga wala mailhing suspek nakasakay og duha ka motorsiklo samtang nakasul-ob og bonnet.


Napalgan sa mga residente sa maong lugar ang patayng lawas sa biktima nga naligo sa kaugalingon niining dugo.

Matod sa testigong gwardya nga si Abdul Baginda Ali nga upat ka tawo una niyang nakit-an sa area sakay og motorsiklo diin minaog ang usa og giduolan ang biktima dayon gilaslasan ang liog.

Human sa krimen nisibat ang mga suspek paingon og Barangay Conel samtang walay nakuha nga ebidensya ang SOCO Team nga hinagiban gigamit sa suspek nipatay sa biktima.

Facebook Comments