IMBESTIGASYON SA PAGPUSIL SA WARRANT OFFICER SA BULA PNP, NAGPADAYON

General Santos City–Padayon karon ang ginahimong imbestigasyon sa kapulisan human ang gika-ingong pagpusil kang Police Staff Sgt. Joel Dela Cruz, Warrant Officer sa Bula Police Station.

Sumala ni Police Major Ruelito Lumiguid, Station Commander sa Police Station 3 nga ilaha pang ginasuta kung aduna ba gyu’y shooting incident nga nahitabo o usa lang ka indescriminate firing ang maong insidente human nga maka-angkon ug igo pinusilan sa tudlo ang biktima samtang anaa sulod sa iyahang sakyanan.

Sa karon, ilaha na matud pang ginakuhaan ug pamahayag ang biktima kung unsay nahitabo ug kung nganong kini napusilan.


Samtang gibutyag usab sa opisyal nga kung adunay gyu’y kaso sa pagpamusil nga natigayon, posibleng usa sa mga motibo niini mao ang personal grudge.(LVR)

Facebook Comments