IMBESTIGASYON SA TULO KA KASO SA COVID19 SA GENSAN NGA WALAY TRAVEL HISTORY, PADAYONG GI-IMBESTIGAHAN

General Santos City–Gustong ibalik sa Local IATF ang implementasyon sa EO no. 11 sa dakbayan gumikan sa natala nga local transmission sa mga kasikbit nga probinsya.

Sumala kang Atty. Arnel Zapatos, City Administrator ning dakbayan nga ang tumong sa pagpagawas sa EO aron mapugngan ang pagkatag sa virus higayon nga adunay local transmission sa dakbayan.

Saysay niya nga halos pareho ang Executive Order sa Gensan ug South Cotabato gumikan nag-coordinate matud pa ang duha ka opisyal ug kini ang makonsiderang pre-emptive measure.


Giklaro man usab ni Atty. Zapatos nga ang pre-emption nga ginahimo sa LGU Gensan ang may kalabutan sa tulo ka kaso nga natala nga gika-ingong adunay exposure sa covid-19 patient.

Una na niini ang 62 anyos nga babaye nga taga brgy. Bula Gensan kung asa ila pang gina-kumpirma ang impormasyon nga nakagawas kini sa dakbayan ug niadto sa Sultan Kudarat.

Samtang, ang 58 anyos nga magtutudlo nga Taga Brgy. Apopong ang gikan matud pa sa Isulan Sultan Kudarat nga adunay direct exposure sa 61 anyos nga magtutudlo nga namatay gumikan sa covid 19.

Dugang pamahayag ni Atty. Zapatos nga lakip sa gina-imbestigahan karon kung asa nakuha sa usa ka doktor sa City Health Office ang virus human kining nagpositibo sa covid -19.

Migawas matud pa sa insiyal nga contract tracing nga gawas sa ,mga LSI ug ROF, aduna kini mga nakahimamat nga taga Davao gumikan nagpreparar kini alang sa iyahang kasal.

Sa karon, halos tanang personahe sa City Health Office ang naka Work From Home ug naka-quarantine kung asa padayon gihapon sila sa pagtrabaho gumikan daghan ang kinahanglang tapuson sama sa contact tracing ug uban pa.(LVR)

Facebook Comments