Imbestigasyon sang NBI gina welcome sang Bacolod angut sa paglapas sang RA 11469

29

Gina welcome sang city government sang Bacolod ang imbestigasyon sang National Bureau of Investigation (NBI) may angut sa gina-alegar paglapas sa RA 11469 ukon Bayanihan To Heal As One Act.

Ini ang kasunod sang paguwa sang balita nga ginapa-summon sang NBI ang Bacolod lakip na ang Cebu, Quezon kag Pasig City, nga amo ang mga violators sang RA 11465.


Sa interview sang DYHB kay Bacolod City Legal Officer, Atty. Joselito Bayatan, ginpahayag sini nga posible naglab-ot sa igtalupangod sang national government ang mga social media post nga kulang ang unod sang mga food packs nga ginapanagtag sang ciudad.

Nahibaluan nga nagpreparar ang city government sang 40,000 food packs, nga may unod nga 5 ka assorted canned goods, 2 noodles kag bugas.

Apang indi pareho ang unod nga bugas sang tanan nga packs, bangud iban ang 7 kilos samtang may yara man sang 5 kilos, santo sa kumpirmasyon ni Department of Social Services (DSSD) Head Pacita Tero.

Apang sang damlag lang, may mga social media posts nga 3 kilos na lang nga bugas ang unod sang ila food packs.

Nagpanugyan si Bayatan sa mga nakabaton sang indi husto nga food packs nga magreklamo sa barangay ukon sa nagakaigo nga komitiba sang ciudad kag indi maghagay sang post sa social media, bangud indi ini ang husto nga tion nga mag ginub-anay.




Suno kay Atty. Bayatan, gina-welcome nila ang imbestigasyon bangud matinlo man ang ila intensyon sa pagpanagtag sang food packs kag agud matumod na gid lang ang mga mga nagapalapta sang mga malisyoso nga post sa social media.

[image: image.png]

Facebook Comments