IMPLEMENTASYON IT MARINA CIRCULAR NO. 2016-02 GINAHINYO IT CBTMPC NGA IPAIWAY

Kalibo, Aklan – Naghinyo ro Caticlan Boracay Transport Multi-Purpose Cooperative CBTMPC sa Marina
nga ipaiway anay ro implementasyon it MARINA Circular No. 2016-02, o Revised Rules On The Phased-
Out Of Wooden Hulled Ships Carrying Passengers In Domestic Shipping.
Suno kay Godofredo Sadiasa, Chairman of the Board it CBTMPC, samakaron ro nasambit nga
kooperatiba hay may 9 ka mga nagabiyaheng pumpboat Caticlan-Boracay vice-versa nga human sa fiber
glass ag 59 ro human sa kahoy kon siin mapaso o ma-expire pa ro franchise nga ging tao man mismo
kanda it MARINA sa dag ong 2021.
Dugang nga ging pahayag ni Sadiasa nga owa sanda nagakontra sa mando it MARINA nga iphase-out ro
pagbiyahe it di-pasaherong pumpboat nga human sa kahoy bangud amat-amat eoman nanda nga gina
upgrade ko andang mga units sa fiber glass.
Suno pa gia kana may standing loan pa nga kinahangean nga bayaran ro kooperatiba sa nagkasarisaring
financing company sa pagpaobra ag pagpa repair it CBTMPC wooden hulled units nga payable hasta it
2021.
Basi sa sueat it CBTMPC nga ipaiway anay ro implementasyon it nasambit nga MARINA circular iya sa
Aklan bisan hasta eang nga ma expire ro andang franchise. Ro Aklan Sangguniang Palalawigan hay nag
pasar man it resolusyon pabor sa hinyo it CBTMPC…

Facebook Comments