Importansiya sa paggamit sa Malaybalay Bypass road, giklaro sa probinsyal nga pangagamhanan sa Bukidnon

Giklaro karon sa probinsyal nga pangagamhanan sa Bukidnon ang importansya sa paggamit sa Malaybalay Bypass Road alang sa mga Cargo Trucks, Primemovers ug uban pa.

Kini ang gisaysay ni Atty. Jun Beltran, Majority Floor Leader sa Sangguniang Panlalawigan sa Bukidnon atol sa interview sa RMN DXMB Malaybalay.

Sumala ni Atty. Beltran nga tungod sa kabalaka sa mga ginikanan alang sa ilang mga kabataan ang rason nganung temporaryo nga gidid-an ang pag-agi sa mga dagko nga truck sa Brgy. Casisang ning dakbayan.


Maong mipadala og hangyo si Atty. Beltran ngadto sa lokal nga pangagamhanan sa Malaybalay City sa pagpagawas og mando kabahin sa paggamit sa Malaybalay Bypass Road.

Giaksyunan gilayon kini sa lokal sa Malaybalay diin mipagawas og ehekutibong kamanduan kabahin niini.

Apan giklaro ni Atty. Beltran nga mihangyo napud siya og usab nga lugwayan sa siyudad ang maong kamanduan samtang wala pa nakapagawas og ordinansa ang siyudad sa paggamit sa maong dalan.

Gilauman karon ni Atty. Beltran nga malugwayan gayud ang maong kamanduan ug makapasa og ordinansa aron nga magamit na ang Malaybalay Bypass Road sa mga Cargo Trucks, Prime movers ug uban pa aron nga mahilayo sa bisan unsa mang disgrasya ang katawhan.

Facebook Comments