Importasyon sang bugas nakit-an nga solusyon sa pagnubo sang presyo

14

BACOLOD CITY – Maga-import sang dugang nga 250,000 metric tons nga bugas ang gobierno agud ma-solusyunan naman ang problema sa tuman ka taas nga presyo sini sa merkado.

Suno sa National Food Authority, ang dugang nga 250,000 metric tons ang separado naman sa 133,000 metric tons nga bugas nga iga-import sang gobierno para sa mga lugar nga may yara sang rice shortage particular sa Mindanao.

Sa Bacolod naglab-ot na sa P60 ang kilo sang bugas sa pila ka mga merkado.

Ang NFA kag NBI nagpatigayon man sang inspection sa mga bodega sa Bacolod kag Negros sa diin wala naman sila sang nakit-an nga rice hoarding basi sa sitwasyon sang guwa-sulod sang mga bugas.

Ginpahayag ni House Speaker Gloria Macapagal-Arroyo nga isa man ka ekonomista nga ang rice importation ang solusyon para ma-stabilize ang presyo sang bugas sa merkado.

Facebook Comments