Inahan gikulata sa anak

Davao City – Igo nalang nagpatala sa Buhangin Police Station ang usa ka inahan nga gikulata sa iyang kaugalingong anak.

Sa report sa Buhangin PNP, matud sa biktimang inahan nga Alyas Rose, 55 anyos, ug residente sa Pioneer Village, Buhangin ning dakbayan nga nasuko ang iyang anak nga si Alyas Alvin tungod kay gibadlong niya nga dili mag-inom.

Apan imbes maminaw sa tambag, gibun-og naman hinoon sa suspek nga anak ang iyang inahang biktima nga nahitabo sulod sa ilang balay bandang 3:00 ang takna sa kahapunon.


Dili pa kaigo, mitabang sab og kulata sa biktima ang usa ka Alyas Gloria sa wala masayri nga rason.

Ug tungod ani, ang kapulisan sa Presinto 5 nagsugyot ngadto sa biktima nga isang-at nalang una ang reklamo sa barangay level ug kung dili magkasinabot ug walay pagresolba dinha na musang-at og kaso batok sa anak nga suspek.

RadyoMaN Joel Viray

Facebook Comments