Nasapon sa dxCC-RMN ang pagduol sa bana ug mga anak ngadto sa usa ka inahan nga mosulay unta og hikog pinaagi sa pag-ambak sa Marcos Bridge ning syudad mga alas 7 kagabie.
Sa interview sa dxCC-RMN ngadto sa bana, gibutyag niini nga gitawagan siya sa iyang asawa nga naa kini sa Marcos Bridge aron maghikog.
Daling midalikyat sa tulay ang bana uban ang gagmay pang mga anak nga mihilak ug migakos sa ilang inahan.
Gidugang sa bana nga nag-away ang iyang asawa ug igsoon niini nga posibling maoy hinungdan sa planong paghikog sa iyang asawa.
Nasayran nga mitungtong na sa poste sa tulay ang inahan ug maayo na lamang kay nahawiran sa mga motorista nga miagi sa lugar.
Facebook Comments
