INCIDENTE DE TIRO YA ABAJA ASEGUN CON EL POLICIA

Ya revela el hefe del Mando Policia Rehiyon cay grande el abajada del estado de mga incidente de tiroteo aqui na Zamboanga Peninsula.
Asegun con el hefe del PRO9 Chief Supt. Billy Beltran, ya abaja na 38.02% con 282 mga caso de tiroteo desdel mez de Enero hasta Agosto este año el ya fuede sila rehistra, cumparando na 455 caso rehistrao del año pasao.
Asegun con Beltran. na diila report, ta aparece que el jurisdiccion del Zamboanga del Sur PPO desdel ciudad de Pagadian ya rehistra 93 incidente de tiro, segundo el Zamboanga City Police Office con 65 incidente de tiro, Zamboanga del Norte con 49 incidente de tiro, Zamboangay Sibugay con 49 incidente de tiro y 16 desdel Isabela City, Basilan.
Ya reporta tambien si Beltran cay ya alcansa na 10,997 el Total Crime Volume del entero rehiyon prinsipiando Enero hasta Agosto este año, donde 5,271 el ya fuede tambien resolva. -Bhong Simbajon/RMN News

Facebook Comments