Incoming VP Sara Duterte salig kang Baste sa pagdumala sa Davao

40
Davao City – Dako ang pagsalig ni incoming Vice President Sara Duterte-Carpio sa igsoon niini nga si Sebastian “Baste” Duterte isip musunod nga alkalde sa Davao City human kini nidaog niadtong May 9, 2022 Elections.

Gisaysay ni Mayor Sara (sa interbyu sa city-owned radio), nidako sa politika si Baste ug nasayud na kini kung unsaon pagdumala ang Davao sa kasamtangan ug bisan niadtong ilaha pang amahan ang mayor sa syudad.

“Wala koy challenge sa iyaha (Baste) as the next (Davao) city mayor because I am confident na.. unang-una nagdako siya sa politika. Ikaduha, he’s seen the way si PRD (President Rodrigo Duterte) naging mayor, the way ko naging mayor and all the other good mayors diri sa atoang nasud,” sulti ni Mayor Sara.

Dugang ni Mayor Sara, nasabtan na usab ni Baste ang measure sa pagdumala sa usa ka mayor diin kinahanglang mamahimong maayo nga kapuy-an ang syudad o mamahimong livable city alang sa Davaoeños.

“Sa tanan na mga discussions namo, I see that he (Baste) understands the measure sa administration sa isa ka mayor is that dapat ang isa ka syudad must be a livable city. So dili na kaayo na sya lisod because naa na may measure ang what is it to be a livable city,” saysay sa alkalde.

Dugang ni Duterte-Carpio, dako pa ang pwede i-improve sa syudad diin mamahimo lamang nga limitasyon niini mao ang budget ug resources, rason nga mas maayo kung adunay daghang budget sources aron magbaton og income generation alang sa pagpalambo pa sa dakbayan.



RadyoMaN Kirby Manzon

Facebook Comments