“INDI MATUOD ANG IYA ALEGASYON” | Kap Remia Gregori ginpanginwala ang kahilabtanan sa pagbaton sang kwarta halin sa illegal nga droga

132

ILOILO City – Ginpanginwala ni punong barangay Remia Prevendido Gregori nga may kahilabtanan sya sa alegasyun batok sa iya nga nagabatun siya sang kuarta halin sa illegal drug trade kalakip na sang iya nga anak nga si Missy Gregori.

Suno kay kapitan Gregori nga maka-isa niya lang ka beses nakit-an kag nakilala si Mary Mae Avelino sang nagpalapit sadtu sa iya kag nagpangayu sang kuarta bangud yara sa hospital ang iya anak.

Naghinyu man sa iya magtrabaho sa sulod sang balay apang wala niya ini ginbatun.

“Nag-CR ako dyutayan lang ako matumba sa ina nga alegasyon. Indi matuod ang iya alegasyon. Wala ko na ya kabaton snag kwarta kag wala na siya nakapanglaba sa balay kay indi ko gusto,” ang pahayag ni Gregori sa interview sang RMN Iloilo.

Hugot man sini nga ginpanginwala ang alegasyun nga sa iya ginahatag ang kuarta nga kita sa illegal nga druga basi sa alegasyun ni Avelino.

“Ginhatagan ko lang na 200 [pesos] kay na hospital ang bata ya. Dayon te amo to nagpresentar siya nga magpanglaba sa balay. [Te] hambal ko indi ko ya kay may nagapanglaba na sa amon.”

Wala man ini kabalo kon kilala sang iya anak nga si Missy si Avelino nga amo ang nagdalahig sang ila pangalan sa illegal nga druga.

Facebook Comments