Indi pagsunod sa minimum public health standard rason sang pagsaka sang kaso sang COVID-19 sa rehiyon.

6

Indi pagsunod sa minimum public health standard kapareho sa tama nga pagsuksok sang facemask, pagpatuman sang social distancing, gatherings kag iban pa ang nakit-an nga rason kon ngaa nagataas ang kaso sang COVID-19 sa rehiyon.
Ini ang nangin pamahayag ni Regional Health Education and Promotion Officer Arjohn Gangoso sang Department of Health 12.
May-angot sini,ginahangkat niya ang publiko nga magsunod gid sa ginapatuman nga public health standard agud malikawan nga makaangkon sang COVID-19.
Samtang ginkumpirmar ni Gangoso nga 19 ka mga indibidwal nga taga-rehiyon dose ang naigo sang nagkalain-lain nga variant sang COVID-19.
Apang ang nasambit nga indibidwal ang may history of travel kag sa Manila pa lang nakitaan na ang mga ini nga positibo sa COVID-19 amo nga pagpauli dire sa rehiyon nakarekober na nga ginapaidalom sa gihapon sa quarantine pag-abot sang mga ini sa rehiyon.
Ginhatagan punto ni Gangoso nga tungod residente ang mga ini sang rehiyon mapagkit ini sa datos sang DOH 12 sa COVID-19.

Facebook Comments