INDI SAFE | Mga bayolasyon, natukiban sa inspection sang BFP-Roxas sa mga boarding houses sa siyudad sang Roxas!

Roxas City, Capiz- Madamo sang natukiban nga mga bayolasyon ang mga katapo sang BFP-Roxas sa mga boarding houses sang ginpatigayon sang mga ini ang ocular inspection.
Suno kay SFO2 Marlon Garbo, partikular nga ila ginpadulongan amo ang mga Barangay sang X, IX kag Brgy. Lawaan kun sa diin nakit-an nga indi husto ang mga wiring connection samtang ang iban naman ang wala sang ginpahamtang nga mga fire exits.
Ginpunto ni Garbo nga indi ini safe kag tuman ka peligroso para sa mga boarders pananglitan nga mahanabo ang sunog.
Natukiban man sang mga katapo sang BFP nga pila ka mga panimalay ang gina-convert sa mga boarding houses sa diin ang iban ang wala nakakuha sang nagakaigo nga business permit.
(photo)- RCFS-BFP

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments