Indian national gipusil-patay

47

Panabo City – Aduna nay persons of interest ang Panabo City Police Station sa pagpusil-patay sa usa ka Indian national pasulod sa iyang gi-rentahang apartment sa Donald Diwara Apartment, Glodo Subdivision, Barangay San Francisco, Panabo City, Davao del Norte alas 5:45 sa hapon niadtong Domingo (September 27, 2020).

Sa interbyu sa DXDC RMN Davao kang Police Lieutenant Colonel Ernesto M. Gregore, Chief of Police (COP) Panabo City Police Station, giila ang biktima nga si Sekhon Bhagwart Singh, 33-anyos, minyo ug nagpa 5-6 sa syudad sa Panabo diin dako na sumala pa kini’g capital sa lugar.

Saysay ni Gregore nga pauli ang biktima sa dihang gi-atangan kini sa duha ka wala mailhing suspek ug gipusil gamit ang gituohang .45 nga pistola ug daling misibat ang nahisgutan gamit, ang usa ka motorsiklo nga walay plate number.

“Pauli na siya sa iyang balay, pag padulong pag-open sa gate, naa may duha ka suspek mao ‘to gipusil. Ongoing pa ang atong follow up. Naa na man hinuon ‘tay persons of interest ato,” saysay ni Gregory.

Nadala pa sa Davao Regional Medical Center sa Tagum City ang biktima human sa insidente apan gikumpirma sa police official nga gibawi-an na kini sa iyang kinabuhi kagahapong adlawa (September 28, 2020).

RadyoMaN Kirby Manzon

Facebook Comments