Information Caravan sa Department of Agriculture alang sa mga mag-uuma, nagmalampuson nga napahigayon.

Gikalipay sa katawhan ang gihimong Information Caravan sa Department of Agriculture kagahapong adlawa didto sa may Dipolog City Sports Complex, Brgy. Olingan, sakop ning atong dakbayan Dipolog nagsugod alas 8:00Am hangtod 3:00PM.

Ang maong caravan gisalmotan kini sa mga mag-uuma kapin mil 1,300 ka indibidwal nga gikan pa sa nagkadaiyng lungsod sakop ning atong Probinsya sa Zamboanga del norte. Lakip usab mitambong ang mga kabataan nga mahilig sa pagpanguma, imbitado usab ang mga sakop sa Media dinhi sa Dipolog ug pipila ka mga opisyal sa gobyerno.

sa pagsugod sa maong aktibidad gipaila-ila ni Engr. Jose Kerr Porlas ang City Agriculturist dinhi sa dakbayan ang mga partisipante, gisundan usab kini sa welcome remarks ni Mayor Darel Dexter T. Uy, mihatag usab ug mensahe si Gobernador Roberto Uy, mahitungod sa kamahinungdanon sa agrikultura lakip nga mihatag si DA Regional Director Constancio Alama ug mensahe ngadto a mga partisipante nga matod niya mas maayong ipaabante gayud sa katawhan kun unsay tumong sa pagpanguma gani ang information Caravan, aduna man kini tema nga “Agrikultura Para sa Pagbabago” .


Ang maong tema mao man ang pag integrated sa naandan nga pamaagi sa pagpanguma ug bag-o nga pamaagi pinaagi sa pag gamit ug mga teknolohiya sa pag ugmad sa yuta aron mapadali ang trabaho.

Gipahibalo usab sa mga katawhan sa mga misaksi sa maong caravan ang mga gikalatid nga programa sa Department of Agriculture ug kun unsay matabang sa maong ahensya ngadto sa mga mag-uuma ug sa mga nagplano pa nga mag-uma.

Ang maong caravan ika upat na kini nga higayon nga ilang ge mugna sa atong probinsya, una niini didto sa may Pangasinan, Batangas, ug Dumaguete. Tibuok pilipinas ang ilang pagpahigayon sa maong aktibidad nga kung diin duha sa Luzon, 2 duha sa Visayas ug Duha usab diri sa Mindano.

Gawas sa mga kahibalo nga nakutlo sa mga mitambong nakadawat usab sila ug mga pahalipay gikan sa DA sama nalang sa T-shirt, bag, Mug, ug daghanan pa nga mga gamit. Sa katapuson aduna usab sila’y mga pa raffle ug pa contest alang sa mga partisipante.

Facebook Comments