Sominot, Zamboanga del Sur – Malampusong nasikop sa elemento sa kapulisan sa Sominot MPS og Provincial Police Detective Team sa gipahigayon niining Police Operation dihang dapita sa Purok Makiangayon, Baranggay Eastern Sominot , Sominot Zamboanga del Sur ang usa ka Top 1 Most Wanted Person sa Lambat-Sibat Provincial Level Zamboanga del Sur og nabantog nga Gun for Hire.
Naila ang dinakpan nga si Richard Maraque Tamine, 33 anyos, minyo og residente sa Barangay Tinago, Ozamis City.
Nadakpan kini pinasubay sa warrant of arrest sa kaso nga pagpangawat dinoketan sa criminal case number RTC-6970 nga gi issue ni Hon. Edmundo P Pintac, Presiding Judge, RTC, 10th Judicial Region, Branch 15, Ozamiz City nga adunay pyansa nga girekomendar sa korte nga mokabat sa 100,000 thousand ka pesos.
Ang dinakpan ang anaa na karun gipaslak sa Sominot Municipal Detention Center alang sa tukmang disposasyon.
