Inisyal nga halit sang bagyo quinta sa humay kag livestock sa Negros Occidental masobra 36 milyones ka pesos

21

Masobra sa P36 million ang inisyal nga kahalitan nga ginbilin sang bagyo Quinta sa humay kag livestock ukon kasapatan sa Negros Occidental.

Ginkumpirmar sa DYHB ni Provincial Agriculturist Japhet Masculino, nga sa karun may initial assessment na nga P35 million damages sa humayan sa Hinobaan, Sipalay, Moises Padilla, Cadiz, Bago kag Isabela apang may ginapaabot pa nga report halin sa iban nga local government units. May initial man nga P35,000 nga halit sa kamaisan samtang ginahulat pa man ang report may angut sa tubo, utanon kag mga punong.


Ginapalab-ot naman ni Atty. Masculino sa mga LGU nga may yara sang buffer stock nga binhi sang humay ang probinsiya nga pwede ihatag sa mga mangunguma nga luyag gilayon magtanom liwat.

Sa pihak nga bahin masobra na man P1 million ang kahalitan sa mga kasapatan.Suno kay Provincial Veterinarian Renante Decena, walo pa lang ka LGU’s ang ila na-validate kag ini ang ginalakipan sang Bago, La Carlota, Valladolid, San Enrique, Isabela, Binalbagan, Moises Padilla, Hinobaan. Kalabanan sang nagkalamatay nga sapat amo ang mga karbaw, baka, kanding kag mga manok.

[image: image.png]

Facebook Comments