Naunsa naman intawon ning mga komunista
Hastang upat ka bulan nga bata gidamay nila
Dili na masabtan unsang klaseng ideolohiya
Sibilyan girapido inosenting bata perting pataya.
Pastilan pagka mga walay kasing-kasing
Ginikanan sa inosenting bata nag-amping
Gidamay sa mga rebelding kaliwat ni taning
Bala misentro ug wala gyud raba mutapsing.
Mobile patrol sa pulis sa mga rebilde gi-ambush
Tinukmod sa pakigbisog nga baho pa sa pan-os
Nag-anam na ug kadunot ning mga walay pulos
Dili basta basta ang ilang mga nahimong damyos.
Walay sama ang kasakit nga gibati sa ginikanan
Namatay ang anak nga upat pa intawon ka bulan
Pagpangataki nga nagbunga ug walay hinungdan
Hustisya sa mga biktima hinaot matagamtaman.
RadyoMan Erin Lumosbog
Facebook Comments
