Intel gathering sa Baguio Police Station gipalig-on

Davao City – Wala giubos sa Baguio PNP ang ilahang alerto sa mga posibleng himuong pagpangatake sa New People’s Army (NPA).

Sa interbyu sa RMN Davao kang Baguio PNP station commander P/Chief Insp. Jack Tilcag, gimanduan niini ang iyang tanang personahe nga pahugtan pa ang pagbantay sa palibot aron dili kini makalusot og magsinamok sa komunidad.

“24 hours kailangan nakabantay ta ug dili ta patulog-tulog. Naga conduct ta’g round the clock checkpoint ug gi-strengthen pa nato ang atong intelligence gathering,” sumala ni Tilcag.


Matud ni Tilcag gipalig-on sa Baguio PNP ang ilang koordinasyon sa katawhan aron matabangan usab sila sa pagreport kung adunay mga mamatikdang mga armadong grupo sa ilang mga lugar.

Nagpabiling generally peaceful ug luwas ang Baguio District sumala ni Tilcag.

RadyoMan Aimee Guinita

Facebook Comments