Intensified security ipatuman human sa pagka-aresto sa Indon bomber

43

Davao City – Gipresenta atubangan sa media hapon sa Dominggo ang gisuspetsahang Indonesian Terrorist nga naaresto sa mga awtoridad didto sa Palimbang, Sultan Kudarat.

Ginganlan ni National Bureau of Investigation (NBI-XI) Regional Director Atty. Dante Gierran ang suspek nga si Mushalah Somina Rasim alyas Abu Omar, 32 anyos.

“He is a self-confessed terrorist and involved in a series of bombing in Indonesia,” sumala ni Gierran.

Wala gikumpirma ni Gierran kung sakop ang maong dinakpan sa grupong ISIS.

“We will confirmed that with the immigration,” sumala ni Gierran.

Sa pikas bahin, gihimakak sa suspek nga sakop kini sa grupong ISIS.

Naaresto si Rasim niadtong Marso 10.

Nakuha sa posisyon sa suspek ang ATM card ug kwartang mukantidad ngadto sa kapin usa ka libo ka pesos.

Gikasa sa mga awtoridad ang operasyon batok sa giingong sakop sa terorista human sila nakadawat og impormasyon nga ang grupo niini giingong nagapang-recruit didto sa may Akol ug Datu Maguiles sa Palimbang, Sultan Kudarat ug sa Kiayap, Maitum, Sarangani Province.

Human sa pagka-aresto niini didto sa Sultan Kudarat gikatakda kining ibalhin sa usa ka pasilidad sa Manila para sa mas hugot nga seguridad.

RadyoMaN Aimee Guinita

Facebook Comments