Involvement sa iligal nga binuhatan motibo nga ginasundan sa PS4 sa pagpamusil sa usa ka 47 anyus

12

General Santos City–Involvement sa iligal nga binuhatan partikular na ang pag pangawat ug personal grudge ang ginatan-aw karon nga motibo sa Police Station 4 nganong gipusil patay sa wala mailhing responsible ang biktima nga si Carmilito Delos Santos, 47 anyos, nga nanimuyo sa Cañas Farm, Barangay San Isidro ning syudad sa Gensan.

Sumala pa ni Police Lieutenant Ben Venus ang Deputy Chief Of Police sa Police Station 4 nga dili matud pa sa maong lugar nag puyo ang biktima ug miadto lang kini sa iyahang magulang nga nagpuyo sa maong lugar.


Migawas sa ilahang imbistigasyon nga na-involve sa pagpangawat ang nahisgutang biktima.

Sa karon padayon pang ginaimbistighan sa kapulisan ang maong pagpamusil ug padayon nga ginasuta kung kinsa ang ulahing nakauban ug nakalaban sa nahisgutang biktima aron nga maapil sa ilahang imbistigasyon.

Gibutyag usab ni Police Lieutenant Venus nga sa karon aduna na silay person of interest sa maong panghitabo apan padayon nga nagapangalap ug kongkreto nga ibedensya aron nga pormal nga mapasakaan ug kaso ang mga suspect niini.

kung kahinumduman nga nagbaktas lang ang biktima sa maong lugar alas 2:00 pasado ang takna sa hapon aron mopalit unta ug sigarilyo sa tindahan dihang kalit lang nga giduolan sa usa sa mga suspect nga nakasakay ug motorsiklo ug gipa buthan sa makadaghan nga higayon nga hinungdan sa iyahang kamatayon.(Dave Silagan)

Facebook Comments

From Advertisers