Ipakita ang among anak, patay o buhi-Bernard Bacudo

29

General Santos City—miapila na ang pamilya sa 19 anyos nga batan-on nga si Philip Bacudo ngadto sa kapulisan nga itudlo ngadto kanila kung hain na karon ang maong Batan-on.

Nasayran nga mag-usa na ka bulan karong Dec. 10 sukad nga namissing si Philip Bacudo kansa gituohan sa mga ginikanan niini nga gidakop sa kapulisan nga sakop sa Police Station 2.

Hangyo sa pamilya nga patay man o buhi, unta isulti ngadto kanila aron nga mawagtang na ang ilang kabalaka.

Nasayran nga nagsakit-sakit na karon ang inahan ni Bacudo tungod dili na halos makatulog matag gabie sa sige ug pangita sa iyang anak nga namissing.

Apila usab ni Bernard Bacudo ngadto sa katawhan nga dunay kasayuran sa nahimutangan sa iyang anak nga itudlo ngadto kanila ang nahisgutan.

Una nang gihimakak sa Police Station 4 nga ilang gidakop si Bacudo sukwahi sa pahayag sa pamilya sa biktima ug pipila ka mga testigo nga nagtudlo sa mga personahe sa Police Station 4 nga maoy nidakop sa nahisgutan.

Facebook Comments