Yara sa subong sa state of polio alert ang Integrated Provincial Health Office sang South Cotabato matapos nga may nadetect nga panibag-o nga kaso sang polio sa Parang Maguindanao.
May-angot sini, natalana nga magapatigayon sang massive vaccination kontra sa polio ang IPHO South Cotabato sa Nobyembre 25 tubtob December 7 subong nga tuig.
Suno kay Provincial Epidemiology Surveillance Unit chief Celia Lorenzo nga ang synchronized polio vaccination period ang first round pa sa Mindanao nga ang target nga mabakunahan ang 95% sang 114,000 ka mga kabataan sa probinsya nga nagaedad sang 0 tubtob 59 ka bulan.
Ginpahayag man ni Lorenzo nga magluwas sa house to house vaccination campaign, posible magabutang man sila sang mga health personnel sa mga malls, transport terminals, mga hospital kag RHU`s para sa nasambit nga vaccination activity.
Pagabutangan naman suno pa sang indelible ink ang tudlo sang bata nga nabakunahan bilang kumpirmasyon nga ang mga ini ang nahatagan na sang bakuna kontra polio.
Samtang kahapon kag subong nga adlaw ginpinalisar ang plano nga pagpatigayon sang province-wide vaccination kontra polio upod ang mga city/municipal health office kag mga rural health units sa probinsya.
