IPHO South Cotabato wala nalab-ot ang 95 porsyento sang mga kabataan nga mahatagan sang polio vaccine; Sabayang Patak Kontra Polio may extension.

12

Wala nalab-ot sang Provincial Health Office sang South Cotabato ang target nga 95 porsyento sang 114, 774 sang mga kabataan edad 0 tubtob 59 ka bulan nga mahatagan sang type 2 polio vaccine sa Sabayang Patak Kontra Polio Synchronized Mass Oral Polio Vaccination sa probinsya nga nag-umpisa sang Nobyembre 25 tubtob Disyembre 7 subong nga tuig.
Base sa datos yara lang sa 92.35% ukon 105,992 ka mga kabataan sa probinsya ang nahatagan sang polio vaccine sa diin ang mga banwa sang T`boli, Surallah, Sto. Nino, Norala kag Banga ang nakalab-ot sang masobra 95 porsyento sang ila nga target nga mga kabataan nga mapaidalom sa polio vaccination.
May-angot sini, suno kay Provincial Health Officer Dr. Rogelio Aturdido Jr., may-yara sang extension sa ginapatigayon nga first round sang Sabayang Patak Kontra Polio sa probinsya agud malab-ot ang 95 porsyento nga target.
Samtang ginahangkat niya ang mga ginikanan nga magkooperar sa extension nga ginhatag sa ginapatigayon nga Sabayang Patak Kontra Polio.

Facebook Comments

From Advertisers