Isa ka 14 anyos nga estudyante ang nasapwan nga nagabitay sa sulod sang ila CR sa siyudad sang Passi mga alas 4 sang nakaligad nga adlaw, Enero 5.
Ginkilala ang biktima nga si Ronie Cerbas, grade 10 student sang Salngan National High School sa siyudad sang Passi.
Nasapwan ang biktima ni Loleta Ludero, 70 anyos sang amo man nga lugar nga nagabitay gamit ang habol sa balayan sang comfort room kag dali-dali nga gindala sa Don Valerio Palmares memorial District Hospital apang gindekarar sang doctor nga dead on arrival.
Wala pamatumod sang mga pulis kon ano ang kabangdanan sang paghikog sang biktima.
Sa Karon yara na sa Pamplona funeral parlor ang bangkay sang biktima kag natalana nga ipaidalum sa autopsy.
Facebook Comments
