Isa ka 72 anyos na layaki nakit-an na patay sa Surigao City. Tagkilaya an biktima na si Constacio Escropolo Escartin, 72 anyos, buyag sa asawa, wayay trabaho ug residente sa Purok Payawan 2, Brgy. Luna, Surigao City. Sa pamahayag sa pag-umangkon sa biktima na isa ka Norma Masayon Escartin, an ija tiyo an nag-inusara na naghuya sa ija payag. Pipila ka adlaw an milabay, ila na-obserbahan na gahi an ubo ug tagsip-on ini. Adton Sabado sa buntag nakit-an pa nija na buhi pa an 72 anyos pero human an pipila ka oras, nadiskobrehan na lamang nila na nagbuy-od na ug waya nay kinabuhi suyod sa ija payag. Sa pagkakuman, padajon an imbestigasyon nan PNP sa pagpakisayod kon may Foul Play sa pagkamatay ni Escartin.
