Patay ang is aka Antiqueño nga police trainee sa isa ka ospital sa Bacolod.
Ini matapos ginkurum kag ginhilanat sa sulod mismo sang PNP Regional Training Center 6 sa Bakyas, Mansilingan, Bacolod City ang bag-o lang take-oath nga police trainee.
Ini ang ginkilala kay Frenz Galen Samillano Frades, 22 anyos kag residente sang Brgy. 8, San Jose, Antique.
Si Frades naggradwar sang BS Criminology sa St. Anthony’s College sang nagligad nga March 2017 kag naka Advance ROTC man sa nasmabit nga eskwelahan.
Base sa insiyal nga report, si Frades kag ang iya mga kaupdanan ang nag take-oath sa Police Regional Office 6 sang Lunes sang aga kag pagka gab-i, gin turn-over sila sa nasambit nag training center.
Martes sang gab-i, ginhilanat si Frades kag gindala sa ospital s abacolod apang ginbawian gid sang kabuhi.
Ara pa karun ang iya bangkay sa Bacolod kag napahibalo naman ang iya pamilya sa natabo sa iya.
Aneurysm ang ginatudlo gintunaan sang iya kamatayon.
Posible suno sa inisyal nga impormasyon nga nakabatyaga si Frades sang tuman ka kapoy kag malawig nga exposure sa init nga indi naman bag-o sa rigid police training.
Photo from PRO 6
