Isa ka balay sa Bakhaw, Mandurriao, nasunog, lakip na ang isa ka salakyan nga Isuzu D-MAX

262

Natupok ang isa ka balay sa Pabling St., Zone 1 Barangay Bakhaw, Mandurriao pasado alas 6:30 kagab-i.

Ang balay ginapanag-iyahan sang Pamilya Palmes nga tumandok sang Passi City kag gina-arkilahan sang mag-asawa nga Jennifer kag Manolito “Borge” Manalon, negosyante sang ukay-ukay kag tumandok sang Roxas City.

Ginapahayag nga nagtuhaw ang kalayo sa naibabaw nga bahin sang balay mga alas 6:30 kagab-i kag natigayon nga mapalong sang mga bombero alas 7:09 sang gab-i.

Ginpahayag ni Fire Chief Inspector Christopher Regencia, City Fire marshall nga base sa ila initial nga imbestigasyon, ginabanta nga naglab-ot sa 300 mil pesos ang balor sang natupok nga balay magluwas pa natupok nga Isuzu D-max nga ginapanag-iyahan sang mag-asawa nga Manalon.

Padayon pa nga gina-imbestigahan sang Bureau of Fire Protection kon ano ang gintunaan sang nasambit nga sunog.

Facebook Comments