Isa ka boarding house sa Brgy. Villa Anita , Iloilo City nga gina-alegar drug den, ginsulod sang PDEA-6 ; 5 ka mga lalaki, arestado

851

Dakop ang lima ka mga lalaki lakip na ang isa ka naga-alegar estudyante sa ginpatigayon nga buy bust operation sang Philippine Drug Enforcement Agency -6 (PDEA )sa isa ka boarding house sa Brgy. Villa Anita , Iloilo City alas 8:00 sang Miyerkules sang gab-i, Agosto 16.
Ini matapos may nagpalab-ot sang impormasyon sa PDEA nga ginahimo drug den ang nasambit nga boarding kag madamo sang estudyante ang nagapadulong diri agud magbakal sang illegal nga droga ilabi na nga malapit ini sa isa ka unibersidad.

Ginkilala ang subject person kay Jokshan Gonzales, 25 anyos sang Jalandoni street, Iloilo City Proper kag anak sang tag-iya sang boarding house ; Raycon Yumo sang San Antonio , Molo ; John Roji Llamera, 27 anyos sang Silay City , Negros Occidental ; Jamil Salem, 24 anyos sang Puerto Real, Lapaz, Iloilo City ; kag si Edsel Gregorios, 18 anyos sang Delgado street , Iloilo City Proper nga naga-alegar estudyante sang isa ka unibersidad.


Ginahingyo naman ni PDEA-6 Director Wardley Getalla, ilabi na ang media nga ipahibalo sa ila kon may drug den sa mga lugar nga malapit sa mga eskwelahan kon sa diin madamo sang mga kabataan bangud priority target nila ini .

(photo from web)

Facebook Comments