Isa ka Foreign National nga taga-barangay Lawaan, pinakabag-o nga nagpositibo sa balatian nga COVID-19 sa Roxas City; Pasyente, nakapadulong pa sa syudad sang Iloilo!

Roxas City, Capiz – Nadugangan sang isa ka kumpirmado nga kaso sang corona virus disease ang syudad sang Roxas.
Ang positive patient nga lalaki ang nagapang-edaron sang 33- anyos, isa ka Foreign National kag temporaryo nga naga-istar sa Barangay Lawaan, Roxas City.
Nahibaluan nga ang amo nga persona ang nakapadulong pa sa syudad sang Iloilo kag makaduha ka beses sa sulod sang duha ka semana.
Sa subong gindala na sa Roxas Memorial Provincial Hospital ang amu nga persona bangud ini ang ‘symptomatic’.
Padayun naman ang contact tracing sa mga naka-atubang kag na-istorya sang nasambitan nga persona.