Isa an patay sa dihang nalunod an isa ka gamay na motorized banca kahapon na mibiyahe gikan sa Surigao City pasingod Tubajon, Dinagat Province. Ini human na nasinati an dagko na mga bayod. Tagkilaya an namatay na si Elena Nerza, 59 anyos sanan lumad na taga-Brgy. Imelda, Tubajon,Dinagat Province Sumaya pa, nokari sila sa Surigao City kaiban an bana na si Artemio Nerza para mamalit nan tiles. Sa dihang miuli na sa Tubajon nakasugat nan dagko na mga bayod dapit sa Brgy. Danawan rason nan pagkalunod-patay sa biktima. Na-rescue pa sila nan MBCA Gencyrill-4 na jadto na higayona nagbiyahi isab sanan sila an nalabyan,hinoon waya na maluwas an kinabuhi ni Elena Nerza. Pahimangno pa nan Phil Coasyguard na unta an mga gagmay na sakyanang pandagat an likayan an pagbiyahi panahon sa amihan tungod kay dagko gajud an bayud na daya nan ini sa kadagatan.
