Isa ka KILO sang shabu, narecover sa buy bust sa South Capitol Road

890

RMN EXCLUSIVE. Kapin sa ISA KA KILO sang suspected shabu ang na-recover sang Regional Drug Enforcement Unit – RDEU6 sa buy bust operation, pasado alas-2 sini lang nga kaagahon sa area sang South Capitol Road (atubangan sang DBP – Capitol Lagoon Area).

Subject sa buy bust operation amo si Ronaldo Roquero, 38 anyus, residente sang Barangay Zone 7, syudad sang Talisay. Lakip sa nadakpan ang live-in partner ni Roquero nga si Gerline Yabut, 30 anyus, Purok Paghidaet, Barangay Handumanan, syudad sang Bacolod KAG driver sang ila ginasakyan nga Innova Silver nga si Alcyn Dwight Cuadra, 40 anyus, sang Eufemia Terrace 2 Compound, Barangay Vista Alegre, Bacolod City.


Suno sa team leader sang RDEU-Western Visayas – Police Lieutenant Thurslie Castillo, nga si Roquero ang isa ka high value target kag gina-siling nga miembro sang Michael Divinagracia (Silay) Drug Syndicate nga naga-operation sa Bacolod kag iban pa nga bahin sang Negros Occidental.

Ginpaathag ni Castillo nga ‘MOVING’ lang ang transaction sa ila nga agent sa diin ang mga suspek ang INDI na magpanaug sa salakyan kag ila lang idaho ang items ukon ang ilegal nga droga.

Wala naman natiktikan sang mga suspek nga pulis na gali ang ila gina-transaction sa South Capitol Road sa diin sang gin-daho na sang subject ang isa ka bulto sang shabu, didto na kag gin-dakup sila sang RDEU-6 bangud nga nagtingwa pa nga magpalagyo.

Narecover sang otoridad sa sulod sang Innova ang isa ka kilo sang suspected shabu sa wala pa mahibalu-an nga market value.

Padayon pa nga gina-hibalo sang otoridad kon sa diin gina-kuha ni Roquero ang supply sang droga nga iya gina-duso. Ginpahayag sang suspek nga may koneksyon ini sa ila nanday ALYAS SCOTT kag ALLEN GAMBOA nga yara naman naka-hunong sa Negros Occidental District Jail.

Facebook Comments

From Advertisers