Isa ka NPA patay, duha ka soldado pilason sa duha ka sunod-sunod nga engkwentro sa syudad sang Guihulngan, Negros Oriental

44

Padayon nga ginabulong sa pribado nga ospital sa syudad sang Bacolod ang duha ka mga soldado sa idalum sang 62nd Infantry Battalion nga na base sa Isabela, Negros Occidental matapos naka angkon sang samad sa engkwentro nga natabo batuk sa gina patihan katapo sang New People’s Army (NPA) kaina sang aga kag ginsundan pa kaina sang udto sa binukid sang Guihulngan City sa Negros Oriental.

Suno kay 303rd Brigade Commander Col. Inocencio Pasaporte natabo ang engkwentro sang nag responde ang militar matapos nakabaton sang impormasyon nga may presensya sang mga armado nga rebelde sa Barangay Sandayao syudad sang Guihulngan nga gin-alegar naga pangayo kayo sang pagkaon sa pumuluyo.


Natabo ang una nga engkwentro kaina sang kaagahon nga nag resulta sang pagkapilas sang isa ka soldado.

Ginsundan pa ini kaina sang udto sang gin lagas sang tropa militar ang mga rebelde nga nag resulta sang pagkapatay sang isa ka gina alegar miyembro sang New People’s Army (NPA).

Samtang may isa man ka soldado ang dugang nga nasamaran sang amo nga engkwentro.

Na-recover sang militar ang tig-isa ka carbine, shotgun kag .45 caliber pistol gikan sa hanay sang NPA.




Sa karon padayon nga naka alerto ang katapo sang tropa militar sang 62nd Infantry Battalion sa nasambit nga lugar.

[image: image.png]

Facebook Comments