Isa nakapalagyo samtang tatlo ka mga drug personality, arestado sa separado nga buy bust operation sa banwa sang Pontevedra kag Roxas City!

96

Roxas City, Capiz- Tatlo ka mga drug personality ang natigayon nga madakpan sa separado nga buy bust operation nga ginkasa sang mga kapulisan sa Brgy Banica Roxas City kag banwa sang Pontevedra.
Sa Barangay Tabuc, Pontevedra, Capiz arestado sanday Kir Niecho Dadivas y Baclor, 22- anyos kag Aldwin Daria y Fortiza, 22-anyos sang Brgy. Ilawod, Pontevedra, Capiz kun sa diin narekober sa mga ini ang 18 tanan ka sachet sang suspected shabu, P1000 pesos nga buy bust money kag iba pa nga drug paraphernalia.
Nakapalagyo naman ang kaupdanan sang mga ini nga ginkilala kay Jeffrey Dilao sang Barangay Linampongan Pontevedra, Capiz.
Sa pihak nga bahin, arestado man sa Brgy Banica, Roxas City ang subject person nga ginkilala kay Reynaldo Bermejo, 41-anyos kun sa diin lima ka sachet sang suspected shabu ang narekober sa iya sang mga katapo sang Station Drug Enforcement Team(SDET) sang Roxas City PNP.
Igapaidalom sa laboratory test ang mga narekober nga items sa mga suspek samtang ginapreparar naman ang kaso nga igapasaka kontra sa mga ini.


Facebook Comments