*General Santos City— Usa ang patay samtang duha ang arestado sa magkasunod nga perasyon batok illegal nga droga nga gipoahigayon sa mga personahe sa Police Station 6.*
*Ala una ang takda sa kadlawon dihang gisulod sa tropa sa kapulisan ang panimalay ni Gilbert Cabangon ug Glenn Bacuyo nga samang mga residnete sa Prk, Tinago, Brgy South ning dakbayan kung asa nakuha gikan sa ilahang panimalay ang napulo ka sachet sa gituuhang shabu kantidad 11mil ka pesos.*
*Samtang alas 2 sa kadlawon dihang nagpahigayon ug operasyon sa panimalay sa target nga si Raymund Salinas, hamtong ang pangidaron nga residente sa Zone 8, Brgy Bula ning dakbayan.*
*Subay sa pamahayag sa kapulisan, pasulod pa lang ila dihang gipabuthan sila sa target rason nga mibalos ang tropa ug napusilan ang nasangpit. Dali pang gidala sa balay tambalanan ang nahisgutan apan gideklarang dead on arrival.*
*Nakuha gikan sa balay niini ang usa ka 5. 56mm ga pistol, mga buhing bala, fired cartridge ug pito ka sachet sa gituuhang shabu.*
*Sa kasamtangan, ang mga dinakpang sila Bacuyo ug Cabangon ang anaa na sa kustudiya sa kapulisan ug takdang pasakaan ug tukmang kaso.*
