Isa patay, duha pilason sang ginluthang sang ila pakaisa sa banwa sang Pontevedra

15

PONTEVEDRA- Patay ang 43-anyos nga babaye samtang pilason ang duha ka iban pa matapos ginluthang sang ila man lang nga pakaisa sa Sitio Pantao, Brgy. Pandan, Pontevedra, las-8:00 sang gab-i, Enero 21.

Ginkilala ang napatay kay Ana Oñas samtang ang suspek, iya man lang pakaisa nga si Pedro Oñas, 41. Samtang ang duha ka pilason ang ginkilala naman nga sanday Georgelyn Linigao, 51 kag Josselino Duban, 55.


Santo sa interview sang DYHB sa Deputy Chief of Police sang Pontevedra Municipal Police Station nga si Police Lt. Donny Magbanua, nagalakat pauli ang mga biktima kag ginbantayan lang sang suspek kag ginluthang sa diin dead on the spot si Ana.

Samtang ang duha ka mga pilason ang gindala sa Don Salvador Benedicto Hospital sa La Carlota apang ginsaylo sa ciudad sang Bacolod.

Isa sa ginalantaw sang Pontevedra MPS nga motibo sa krimen amo ang away sa duta.

Ang suspek ang nakasuhan naman sang una bangud sang pagpanglabo sa diin patay man ang biktima.




Ini siya ang yara na karon sa paghinakup sang mga utoridad matapos nga ini siya ang ginsungka sang iya abyan.

[image: image.png]

Facebook Comments