Isa patay, isa kritikal sa laing pagpmausil sa Gensan

42

General Santos City— Dead on arrival sa balay tambalanan ang usa ka Faith Irish Dela Torre, 38 anyos samtang nagpabilin sa kritikal nga kondisyon ang usa Ka Jimmy Caylan, 31 anyos human gipamusil sa wala pa mailhing suspek.

Sumala kang Police Chief Inspector Peter Pinalgan Jr., hepe sa Police Station 3 nga alas 9 pasado ang takna sa buntag kaganiha dihang nahitabo ang pagmusil sa Cabel St., Brgy. Lagao atubangan mismo sa hall of justice.

Paspas matud pa nga misibat ang nag-inusarang suspek sakay sa motorsiklo. Dugang pamahayag ni PCI Pinalgan nga sa karon, ginasuta na nila ang posibleng mga CCTV Camera sa lugar aron masayran kung nakuhaan ang maong pagpamusil.

Nagpahigayon na usab sila ug background check ngadto na sa mga biktima kung asa basi sa impormasyon nga ilahang nakuha, gikan sa hall of justice si Dela Torre human nga mitambong ug hearing.

Samtang ginasuta pa kung magka-ila ang duha ka mga biktima gumikan migawas sa pagsuta dili sila magka-ila ug posibleng naangin lang ang trisikad driver nga si Caylan.

Facebook Comments