Isa patay, isa pilason sa shooting incident sa Barangay 3 syudad sang Bacolod

28

Isa ang patay kag isa man ang pilason sa shooting incident sa Purok Lubi, Brgy. 3 ciudad sa ciudad sang Bacolod, las-9:20 sang aga, Noviembre 5. Ginkilala ang napatay kay Melchor Chavez samtang ang pilason kag yara karun sa hospital amo si alyas Dave.

Si Chavez kag Dave, upod sanday Marlon Julian sang Guihulngan City, Negros Oriental, alyas Pintong kag Albert Ortinez, ang yara sa sulod sang balay sang anay kapitan sang Brgy. 3 nga si Romeo Singcua sang nagluntad ang krimen.Sa pagpangusisa sang DYHB, si Pintong ang nakapalagyo, si Julian ang ginlabayan lang sang suspek samtang si Ortinez ang wala man natiruhan bangud sa pihak ini nga kwarto nagatulog.


Wala na naga-istar sa nasambit nga balay si Singcua kag ini ang ginabantayan sang iya bayaw nga si Ating Chavez, nga amo naman ang nagpa-istar kay Melchor nga isa ka traysikad driver. Sa interview kay Ating, ginpahayag sini nga indi Chavez ang apelido ni Melchor, apang gindala niya ang Chavez bangud nagpauli ini sa iya sang bata pa tubtob nga nakapangasawa na. May isa na ka bata si Melchor apang nagbulagay na sila sang iya asawa.

Santo naman sa inisyal nga imbestigasyon sang Police Station 2, isa ka igo sa nawala nga guya ang naangkun sang biktima matapos ginluthang sang 45 caliber pistol sang suspek. Ang suspek ang nagasuksok sang jacket, camouflage pants kag kalo kag nagsakay ini sa puti nga van sa iya pagpalagyo. Tatlo ka empty shells sang .45 caliber ang narekober sa crime scene.

[image: image.png]

Facebook Comments