Isa patay sa duha ka separado nga insidente sang pagpangluthang sa banwa sang Ilog

22

Patay ang 36-anyos nga lalaki matapos ginluthang sa Km 117, Brgy. Tabu, Ilog, Neg. Occidental, las-4:40 sang hapon, Agosto 2.


Ginkilala ang biktima kay Ernan Villarin residente sang Km 117, Brgy. Tabu, Ilog, samtang ang suspek ginkilala kay CJ Tecson, 23, nga residente naman sang Sitio Laksawon, Brgy. Talacdan, Cauayan.

Nagaguwa sa imbestigasyon sang kapulisan nga ginluthang sang suspek ang biktima gamit ang homemade firearms.

Hinubog ang ginalantaw nga motibo sa krimen.

Samtang,isa man ka lalaki ang ginluthang sang iya bayaw sa Sitio San Andres Brgy Galicia, Ilog, las-8:30 sang gab-i, Agosto 2.

Ginkilala ang biktima kay Ruben Arcellas, 44-anyos kag residente sang Brgy. Galicia, Ilo, samtang ang suspek ginkilala kay Romulo Mainit Jr., 28, sang Sitio. Torel, Brgy. Bocana, sang amo man nga banwa.

Santo sa imbestigasyon, nag-away si Arcellas kag ang iya asawa, kag sang nagalakat ini pauli sa ila balay upod ang iya abyan, ginsundan ini ni Mainit kag ginluthang sa diin naigo ini sa likod sang iya ulo.




[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments