Patay ang isa ka lalaki nga sakay sa frontseat sang jeep matapos nga nagsuhot ang ginasakyan sa likod sang truck nga naga-park sa National highway sa Hacienda Carmen, Barangay Granada syudad sang Bacolod pasado las siete sini nga gab-i, Nobyembre 2.
Ginkilala ang napatay kay Lory Fernandez, 58 anyos sang Charito Heights Subdivision, Barangay Granada syudad sang Bacolod.
Sa imbestigasyon, halin sa Buro-Buro, Barangay Alangilan ang jeep nga ginamaniho ni Joshua Aurollo, 36 anyos sang Barangay Granada, sang wala sini matalupangdan ang naga park nga truck sa higad sang dalan gani ini ang iya nabungguan sa likod.
Pilason man ang asawa sang drayber kag duha pa ka sakay sang jeep nga gilayon naman nga gindala sa ospital.
Sa interview sang DYHB sa drayber sang truck nga si Jomarie Deocampo, 66 anyos sang Hda. Carmen, Brgy. Granada, iya anay gin park ang truck nga ginamaneho para magpauli sa ila nga balay para magpanyapon kag nakibot na gid lang ini sa natabo.
[image: image.png]
