Isa sa 3 ka mga suspek nga nagpangawat sa isa ka balay sa Celine Homes nadakpan

15

Nadakpan sa follow-up operation ang isa sa tatlo ka mga suspek nga gina-allege nagsulod sa isa ka balay kag nagpangawat las 5 kaina sang kaagahon (October 7) sa Celine Homes Subdivision, Brgy. Estefania, Bacolod City.

Suno sa blotter sang Police Station 4 ang suspek nakilala kay Richter Jann Salvo, 21 anyos, residente sang Purok Fortune, Brgy. Estefania, ciudad sang Bacolod.

Samtang ang biktima naman nga ginkawatan ginkilala kay Gap Adrain Penafiel, 34 anyos, kasado.

Suno sa Police Station 4, ginsulod sang suspek ang balay sang biktima pinaagi sa bintana sa kilid sang balay kag nag-gwa sa mayor nga pwertahan.

Base sa imbestigasyon, gintuyo pa sang mga suspek nga buksan ang salakyan sang biktima apang ini sila ang nabugtawan sang tag-iya.

Natigayon nga makuha sang mga suspek ang pila ka gamitan partikular ang mga gadgets nga tanan nagabalor sang masobra 24,000 pesos.

Samtang, nakuha naman sa possession sang suspek ang isa ka pen gun nga loaded sang bala.




[image: image.png]

Facebook Comments