Pormal nang sinampahan ng kasong gross misconduct ng Korte Suprema si retired Court of Appeals Justice Isaias P. Dicdican.
Ito’y kaugnay sa umano’y pagkakasangkot niya sa pagpatay kay Atty. Joey Luis Wee noong November 2020 sa Cebu City.
Sa memo ni Court Administrator Raul Villanueva, ang kaso ay inendorso na ng National Bureau of Invistigation (NBI) sa Cebu City Prosecution Office at tanggapan ng Prosecutor General.
Ayon kay SC spokesperson Atty. Camille Ting, binigyan ng 10 araw ang nasabing retiradong mahistrado upang magsumite ng kanyang kasagutan.
Dagdag pa ni Ting, posibleng hindi makuha ni Dicdican ang kaniyang mga benepisyo at pensyon sakaling mapatunayan guilty sa kaso.
Maaari din patawan si Dicdican ng disbarment kaya’t may pagkakataon pa siya para ipagtanggol ang sarili.
