Pinaalalahanan ni Senator Cynthia Villar ang mga Pilipinong naninirahan at nagtratrabaho sa ibang bansa na gamitin ang kanilang karapatang bumoto.
Ang paalala ni Villar ay kasabay ng pagbubukas ng isang buwang overseas absentee voting sa 85 Philippine posts sa mga bansa sa buong mundo.
Iginiit ni Villar na napakalaki ng ambag sa ekonomiya ng bansa ng mga overseas Filipino workers kaya hindi dapat masayang ang pagkakataon nilang lumahok sa paghalal sa kanilang mga pinuno at policy makers.
Pinuri din ni Villar ang report ulat sa tumataas na bilang ng mga Pilipinong nasa ibang bansa na lumalahok sa overseas absentee voting.
Ito ay makaraang ihayag ng Comelec Overseas Voting Office na may umabot sa 1.8 million ang registered voters sa OAV.
Ayon sa Comelec, ang pinakamarami rito ay matatagpuan sa Middle East at African Region na sinundan ng North and Latin American Regions, Asia Pacific Region at European Region.
